MGA suspek nga gituohang mga sakop sa Basag Kotse gang, apil sa usa ka menor de edad, nasikop sa mga sakop sa Opao Police Station sa Mandaue CityPolice Station (MCPO).

Si Leonardo Berjame, 55, taga Sityo Kalubihan, Brgy. Looc, biktima human nga ang iyang Toyota Corola (plate no.GEM-989) gibuak ang luyong bildo sa bintana pasado alas 4 kagahapon sa kadlawon.

Nakabantay ang biktima sa mga gikatahapan hinungdan nga nigukod ginamit ang motorsiklo apan ang mga responsable nakasibat sakay sa PUJ paingon sa dakbayan sa Sugbo.

Nasikop ang usa ka menor de edad ug nakuha gikan sa menor de edad ang engine distributor cap sa iyang sakyanan.

Sa gihimong follow-up operation sa kapolisan pinangulohan ni Insp. Wilson Abot, nasikop ang laing tulo nga pulos taga dakbayan sa Sugbo nga sila si Medio Anore, Jonathan Delfin ug Raymart Noval.