GIREKLAMO sa duha ka mga magtutudlo ang usa ka opisyal sa Don Vicente Rama Memorial National High School kay giingong nangolekta og kwarta sa mga estudyante.

Sila si Junie Padillo ug Raul Constantino maoy nireklamo ug nagpakitabang sa Cebu City Hall dala ang resibo nga nagpakita nga ang opisyal nangolekta og P450 matag tinun-an sa paghatag sa clearance ug report card.

Hinuon, si Mayor Michael Rama wa pa mohatag sa iyang komentaryo sanglit wa pa usab siya makabasa ug makasubay sa tinuoray nga panghitabo.

Gisuwayan sa pagkuha ang habig sa opisyal ning mantalaan apan wa siya motubag sa mga tawag.

Si Dr. Rhea Mar Angtud, Department of Education (DepEd) superintendent sa dakbayan sa Sugbo, personal nga nibisita sa tunghaan apan wa niya mahinabi ang duha ka mga magtutudlo sanglit wa sa tunghaan.