TOTALLY na gyud nga nawala sa eksena sa life ni Angel Locsin sa kasamtangan ang ex-boyfriend nga si Luis Manzano nga consistent pa naman unta sa iyang pagpanguyab og usab sa aktres.
Finally, giangkon ni Angel nga ang Azkals heartthrob nga si Phil Younghusband ang nagapalipay kaniya sa kasamtangan.
Gishare sab ni Angel nga constant sab ang ilang komunikasyon ni Phil sa pagkakaron.
"He makes me happy ngayon," say ni Angel.
Wala sab direkta nga gitubag ni Angel ang pangutana kun nagapanguyab ba niya ang football player, apan say pa nga may unod ang iyang pahayag.
"Hindi ko alam kung panliligaw iyon but lagi kaming magkausap ngayon. Lagi siyang nagte-text."
Dugang sa aktres nga nahimamat na sab sa iyang pamilya si Phil.
"Yes, noong first time pa lang naming magkita. Siyempre niyaya lang niya ako sa [kanyang] tweet. Ayaw ko namang mag-effort, so kung ikaw gusto mong makipagkita, pumunta ka sa bahay ko. Nandoon lahat ng pamilya ko. Dumating siyang mag-isa, ang lamig-lamig niya. Na-appreciate ko iyon kasi ang tapang niya. Hinarap niya ang family ko."
Sa pikas bahin, gilimod sab ni Angel ang latest tsika nga nakita sila ni Luis together sud sa kotse sa ex-jowa.
"Medyo malayong mangyari 'yon. Hindi po totoo. Mas posible pa siguro na ibang babae o kabarkada niya ang nasa kotse," ni Angel.
Apan, gipaniguro ni Angel nga nagpabilin gihapon ang ilang friendship ni Luis.