MIABOT ngadto sa 37 ka Fil-American players ang ningtunga sa tryout sa Philippine Azkals sa Daly City, California.
Adunay nagagikan pa gyud sa East Coast ug Canada nga ningbiyahe lang gyud og tuyo aron makaapil sa tryout.
“Filipino ako eh,” matod sa 19 anyos nga si Martin Rodil sa interbyu sa www.abs-cbnnews.com.
“So [I’m] playing for a sport I love, but not only that, playing for my country. It’s a big reward sa buhay ko.”
Timaan lang gyud kini nga nakakuha na’g atensyon ang Azkals bisan sa Amerika.
Ang Azkals nangandam alang sa ilang kampanya sa World Cup qualifying event nga ipahigayon karong Hunyo.