SPMC moduyog sa pagsaulog sa Child Cancer Awareness Month
ANG Southern Philippines Medical Center (SPMC) nakigduyog karon sa kadaghanan sa pagsaulog sa Child Cancer Awareness Month karong bulan sa Abril, inubanan sa pagpasabot sa katawhan ug pagpahigayon og serye sa mga education activities.
Kabahin sa usa ka bulan nga kalihukan nagkadaiyang aktibidad ang giandam nila aron mapasabot ngadto sa kadaghanan kun unsa ang nagkadaiyang matang sa kanser, alibyo niini, mapahalipayan sab ang mga pasyente nga nagbaguod sa samang suliran sama na lamang sa mga kabataan.
"We should bear in mind na ang cancer from children to adult is magka-iba siya. Sa children o sa mga kabataan natin, it is curable. In other countries, na-prove nila na 80 percent curable ang cancer, with the help of good facilities they have," sigun ni doktor Mae Concepcion J. Dolendo, Medical Director sa Children's Cancer and Blood Diseases Unit sa Southern Philippines Medical Center.
Subay sa datus, dunay 192 ka bag-ong kaso sa child cancer ug blood diseases nga natala sa SMPC Children's Cancer and Blood Diseases Unit (SPMC-CCBDU) gikan Enero ngadto Disyembre 2010.
Sumala pa nga 142 kanila kun 75 percent dunay kanser.
"Acute leukemia and lymphoma compose 52 percent of the patients with acute lymphoblastic leukemia as the most common diagnosis seen in 36 percent," subay sa ilang report.
Dugang pa nga ang SPMC-CCBDU maoy nag-unang referral center alang sa mga batang may kanser sa Mindanao. Matag tuig, libu sab ka bag-ong kaso sa child caner ang na-diagnosed sa Mindanao.
"More than 75 percent of these children are still unable to access health facilities na pwedeng mag-alaga and see their condition," dugang sa doktor.
Ang SPMC-CCBDU may 25-bed capacity nga gipaluyuhan sab sa multidisciplinary team sa doktor, nars ug support staff nga mipaabot sa ilang mainitong suporta sa pag-atiman sa kahimtang sa mga kabataan nga may kanser.
Ang SPMC-CCBDU mao sab ang partner site sa St. Jude Children's Research Hospital, TN, USA ug World Child Cancer. Mao kini ang Central Unit alang sa Mindanao Pediatric Cancer Care Center Network nga mihimo na sab og satellite facility clinics sa Davao Regional Hospital sa Tagum ug St. Elizabeth sa General Santos City.
Ang Child Cancer Awareness Month activity nahimo sab nga posible pinaagi sa ayuda sa Department of Health, SPMC, Davao Cancer Society, Davao Children's Cancer Fund ug Kythe Foundation.
Gipaluyuhan sab kini sa nagkadaiyang government agencies, NOGs, Philippine Information Agency, RC Waling Waling Davao, Davao Photographers for Peace, Fotospeak, NCCC Mall, Holiday Gym and Spa, Camillian Family, Naval Forces Eastern Mundanao, nagkadaiyang grupo ug charitable organizations. (Rhona O. Goc-ong)