NAKABSAN sa kinabuhi ang 16 anyos nga tinun-an human nalumos atol sa pagpangaligo niini sa Raagas Beach, sa Bonbon ning siyudad sa Cagayan de Oro.

Giila sa ngalan ang biktima nga mao si Alexis Clyde, 16, taga Canitoan ning siyudad ug tinun-an sa Misamis Oriental General Comprehensive High School (MOGCHS).

Nasayran nga nangaligo ang biktima kuyog ang mga classmate alang sa ilang despidida party apan mga alas 3:30 sa hapon nawala na sa panan-aw sa mga higala ang biktima ug laing duha ka kauban.

Gipangita ang mga biktima gani ang amahan sa biktima dihang wala makauli ang anak nagpa-blotter dayon sa Police Station 4 (PS4) sa Carmen ug nipahibalo nga nawala ang iyang anak.

Taod-taod usab ang pagpangita sa biktima niadtong tungora apan mga alas 8:00 sa gabii nakita kini sa dili pa moabot nga bahin sa baybay sa Puntod ug wala nay kinabuhi.

Ang tigdumala sa Raagas Beach nibutyag nga kusog ang balod niadtong tungora gani daw makabalo man nga molangoy ang biktima apan tungod sa kakusog sa balod posibleng nadala ang kini.

Gani adunay tulo ka lifeguard sa maong beach ug nagtabang sa pagpangita niini, apan kay taod-taod man napahibalo sa mga kauban niini nga nawala si Clyde nga posibleng gikahadlok usab sa mga kauban niini.

Unang niabot sa beach ang 13 ka mga tinun-an ug pagkahapon niini miabot na sa 22 ka mga tinun-an ug nagligo sa dagat.

Gani usa niini naapil pagkalumos apan natabang ra ug si Clyde maoy dugay nga wala nakita, dead on arrival na kining gidala sa Jr. Borja Memorial hospital.

Gipahibalo sa tigdumala nga dili level ang balas sa dagat mao nga adunay parte niini ang mabaw ug lawom nga bahin hinungdan nga gipanawagan niini ang mga gustong mangaligo nga magbinantayon gyod ug kung mahimo dili na moabot sa lawom nga bahin. (Stephanie V. Berganio)