IMBIS susama og style ni Manny Pacquiao ang iyang kuhaon nga sparring partner, mga dagkong boksidor maoy perming ika-sparring ni Shane Mosley.
Niini, pasabot ni Mosley ngadto sa mga media, kon maanad na siya di na unya niya mabati ang kasakit sa mga sumbag ni Pacquiao sa ilang sinukliay sa kumo.
“Lately, I’ve been dealing with bigger guys, monsters. To have a guy with a smaller frame in front of me this time, he doesn’t intimidate me at all,” matod niya.
Si Mosley perming modaog batok sa iyang mga mugbo og gagmay nga kontra ug ning higayona mas taas siya batok sa 5-7 nga Pacquiao.
Sa sunod adlaw, si Pacquiao na usab ang mopahigayon og media day sa Wild Card gym.
Matod ni Mosley kinsa wa pa gyud ma-knockout sukad masukad nga iyang buhaton ang wa mabuhat sa uban nga mao ang pag-knockout ni Pacquiao.
Ang banggiitang promoter nga si Bob Arum wa mosalikway sa posibilidad sa gipanganti Mosley.
“Shane’s always at his best against fighters who come at him, and have you ever seen Manny retreat?” padayag ni Arum kinsa mipasabot nga kini posibling mahitabo.