NAKAPAHIMULOS ang 197 ka baragay gikan sa tulo ka probinsya sa Davao Region sa programang dala sa Kapit Bisig Laban sa Kahirapan-Comprehensive and Integrated Delivery of Social Services: Kapangyarihan at Kaunlaran sa Barangay (kalahi-CIDSS: KKB).
Usa ka "community-driven development project" and Kalahi-CIDSS: KKB nga gipaluyuhan sa Department of Social Welfare and Development (DSWD) inubanan sab sa ayuda sa World Bank.
Gisugdan sa pagpatuman aning proyekto ato pang tuig 2003, diin hangtud karon nagkadaiyang lugar ang gipaningkamutan nga maabtan sa livelihood assistance.
Sa datos nga gipaabot sa DSWD, nasayran nga sa Davao del Norte pipila ka barangay sa munisipalidad sa Sto. Tomas, Talaingod, og New Corella ang naka-benepisyo sa programa.
Didto sab sa Davao Oriental, nakabaton og ayuda subay sa programa ang pipila ka barangay gikan sa Tarragona, Manay, Governor Generoso ug San Isidro. Samtang sa Compostela valley, pipila ka barangay gikan sa Laak, Mabini ug Compostela ang natunulan sab og pagtabang subay sa programa.
Nauna ng gibutyag ni DSWD Assistant regiona Directot Priscilla Razon nga tinud-anay ug seryoso ang gobyerno sa pagpaabot og hinabang ngadto sa komunidad nga nanginahanglan.
"Atoa nga ampingan ang unsa mang programa, proyekto nga gihatag kanato sa gobyerno. Ang projects nato dili ni siya atik lang, seryoso ang atong Presidente sa pagtabang sa mga nanginahanglan," ni Versoza sa launching sa usa ka proyekto nila didto sa Davao oriental.
Sa programa nga Kalahi-CIDSS, ang komunidad maoy mopili og proyekto nga gikinahanglan gyud nila. Sila ang mobudget, mo-presentar niini aron sila mahatagan sa pundo. Luyo sab sa tabang pinandyan nga ginahatag sa DSWD, may bahin sab ang local government unit sa lugar asa ibutang ang proyekto.
Human maturn-over ang proyekto sa komunidad, sila na ang ginahatagan og gahum nga mo-atiman niini, kini palambuon.