GIPASIGARBO gyud sa mga doktor ang mga pasilidad nga gibatonan karon sa Children's Cancer and Blood Diseases Unit sa Southern Philippines Medical Center (SPMC-CCBDU) nga ilang gilangkub.

Ang maong pasilidad maoy naghatag og nag-unang pagtagad sa mga kabataan nga may sakit nga kanser og blood-related diseases.

Sigun ni Dr. Mae Concepcion Dolendo, medical director sa SPMC-CCBDU, nga ang pasilidad nga anaa karon sa SPMC usa sa pinakamaayo.

"Wala yan sa Metro manila, wala rin yan sa Visayas. Dito lang talaga yan sa Mindanao, sa Davao City pa," sumala sa doktor atol sa media forum sa usa ka dakong hotle dinhi.

Dugang ni Dolendo, malipayon sila sa maong katikaran tungod sa Southeast Asia, ang Davao City lamang ang nahatagan sa maong pasilidad.

Nasayran nga ang SPMC-CCBDU maoy partner site sa St. Jude Children's Research Hospital sa Estados Unidos ug World Child Cancer. Ubang parner countries nila anaa sa Monterrey sa Mexico, Bogota sa Columbia, Ghana, ug Mozambique.

Usa ka 25 head capacity nga gipaluyuhan sab sa mga maayong doktor, nars, us support stagg ang SPMC-CCBDU.

Sumala pa nga aron matubag ang panginahanglanon sa libuan ka mga kabataan na natalang may kanser, gibutyag ni Dr. Dolendo nga may satellite clinic facilities na sab sila.

"Para di na masyadong mahirapang yung mga children with cancer from far places, such as Gensan, meron na tayong satellite facilities. Sa Gensan andiyan ang St. Elizabeth Hospital, so pwede doon muna sila. Then, after they are treated, pwede na silang ma-transport papunta dito sa Davao. Then sa Davao del Norte, andiyan din ang Davao Regional Hospital to cater the needs of these children," sigun sa doktor.

Sa pikas bahin, himuon ang walk for a cause karong alas-sais sa adlaw, subay sa hemophilia Day 2011. Magsugod kini sa Holiday Gym and Spa sa F. Torres Street, padung sa People's Park. Giawhag nga magsuot ang mga partisipante og pula nga t-shirt isip pagpakita sa ilang suporta sa maong kawsa.

Gilantaw sab nga ang nindot nga pasilidad nila dakong adbentahe aron mopaila-ila ang siyudad isip usa sa medical tourism hub sa nasud.