Armas gigamit pagpatay, nailhan

HINAY-HINAY nang nahatagan og katin-awan ang kamatayon sa usa ka negusiyanteng babaye dinhi sa siyudad nga gipusil patay sa wala mailhang suspek, alas 7:45 sa gabii, atong Abril 2 ning kasamtangang tuig.

Sa dugang na pagpanubay sa San Pedro Police, nasayran nga usa ka .38 rebolber ang gigamit pagpatay kang susan Tahora, 51, tag-iya sa Baby Rose Friutmart nga nahimutang sa Madrazo Compound, dalang Ponciano, ning siyudad, gipang-iyahan sa Tiger Investigation, Detective Security and General Services. Nasayran nga ang maong armas may serial number nga PRO8034790 ug na-expire na sab ang lisensya niini niadtong ika-31 sa Marso ning kasamtangang tuig.

Kahinumduman nga sumala sa pahayag ni Julius Tahora, anak sa biktima, nga human gipusil sa mamumuno ang iyang inahan, nakahimo pa siya sa paglayog sa wala mailhing suspek, hinungdan nga nakuha ang armas nga gamit sa pagpatay. Dali sab nga miikyas ang mamumuno sakay sa usa ka motorsiklo nga gimaneho sa laing usa ka wa mailhing tawo human makuha ang iyang armas.

Subay sa imbestigasyon, gipusil ang biktima sa mamumuno samtang nag-atiman sa iyang tinda nga prutas. Giingon nga kalit giduol sa mamumuno ang biktima dayon gipusil tumong sa iyang tuong mata, hinungdan nga natumba siya sa iyang kahimutangan.

Gidala si Tahora sa iyang kabanay didto sa Davao Doctor's Hospital apan gideklara sa mga doktor nga nag-atiman kaniya na siya nga patay na siya dihang miabot sa tambalanan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph