NIMANDO ang korte nga ipauli na ngadto sa bag-ong gitumbok nga suspek sa pagdagit ug pagpatay kang Ellah Joy Pique unya sa Lunes ang ubang mga ebidensya nga gisakmit sa mga awtoridad dihang gironda ang iyang balay niadtong miaging buwan.

Bugtong ang Pajero ang magpabilin kay mopagawas pag hukom si Regional Trial Court (RTC) Executive Judge Meinrado Paredes human nipasakag motion for partial reconsideration ang Criminal Investigation ang Detection Group (CIDG) 7 nga di ipauli ang sakyanan ni Bella Ruby Santos.

Ang mga butang nga mamahimo nang makuha pagbalik ni Santos mao ang sex toys, LAN cord, Nintendo DS game cartridge, trapo, nagkadaiyang CD, waiver uban sa nagkadaiyang ID ug passport lakip sa duha ka mga bato.

Nitumbok ang korte nga ang naasoyng mga butang nga ipauli wa nalambigit sa sa kasong kidnapping with homicide ug wa usab mahisguti sa search warrant.

Atol sa husay kagahapon, si Paredes nihisgot na usab nga dihang nikuha ang mga sakop sa CIDG og search warrant sa korte diin gipahibawo siyang LHJ 382 ang gihisgutan sa mga testigo ug di ang LMJ 382 nga gipanag-iya ni Santos.

Gani, gipabalik na usab sa pagtestigo sa korte ang mga pulis sa CIDG diin wa na usab mohaum ang ilang mga pamahayag sa ilang mga testigo.

Gipresentar usab sa kampo ni Santos si Inayagan, Naga City Barangay Kapitan Narciso Tablate nga nihisgot nga dihang nag-obserbar siya sa pagronda sa Task Force Ellah Joy sa balay ni Santos niadtong Marso 4 ang plate number sa Pajero mao ang LMJ 382.