BISAN og unsaon og palusot maka-intriga gyud ang pahayag ni Rufa Mae Quinto labot sa closeness nila ni Fabio Ide.

Ni Rufa wala silay relasyon sa gwapong si Fabio.

Mao nga wala kunoy rason aron nga intrigahon ang halos perme nila nga pag-date.

Ni Rufa, magka-uban sila sa Dwarfina usa ka serye sa GMA-7 mao nga okay lamang nga mag-bonding sila.

Apan ang makaloka mao ang hangyo ni Rufa nga di kuno kuliton ug intrigahon ang ilang closeness sa newbie actor tungod posible kuno nga “mailang” kini kaniya.

Say pa nga this time naga-get to know each other pa ang ilang drama.

Nagsugod ang isyu human nga gisungog si Rufa sa iyang mga kaubanan sa set kang Fabio.

As we all know mahilig si Rufa sa mga foreigner. Pipila ka tuig sab silang nagka-relasyon ni Rudy Hatfield.

Ang uwahi niyang naka-relasyon usa ka foreigner, nga usa ka Mexican business executive nga nakabase sa Hong Kong. Butang nga di gyud ikatingala kun magka-relasyon man sila ni Fabio.

Usa pa, giangkon sab ni Rufa nga type niya ang guy.

Wa may dautan, kay loveless si Fabio, di sab committed si Rufa. Kun magkasabot man sila, go, go!