GILIMOD sa actor-comedian Vice Ganda nga mihimo siya og eksena sa Ninoy Aquino International Airport (NAIA) bag-uhay lamang.
"Nakakatawa ang ganoong balita. Hindi ko alam kung saan nila pinupulot ang ganoon," ni Vice pa.
Subay sa report nga nag-inarte si Vice dihang usa ka personahe sa airport ang mihangyo kaniya nga tangtangon ang iyang sapatos alang sa inspeksiyon.
"Talaga namang magtatanggal ka ng sapatos for security check, hindi ba? Siguro ang gagawa noon (tantrum) ay 'yung first timer, 'yung hindi niya alam na may ganoong proseso.
"Saka alam ko na kapag ginawa ko 'yon ay maraming taong makakakita at magiging tampulan ng isyu," isplikar ni Vice.
Sa pikas bahin excited na sab si Vice nga ipakita na sab ang laing pelikula nga iyang bidahan.
Human sa malampusong remake sa movie nga Petrang Kabayo, this time mobida na sab si Vice sa movie nga Private Benjamin.
Sa pag-anhi sa komedyante sa siyudad sa Davao sa nakalabay nga semana gisaysay niini nga one of a kind na sab ang iyang role sa maong pelikula tungod usa siya ka sundalo.
"Nagsimula na ang shooting. Target nila is August siya," say sa komedyante.
Giklaro sab ni Vice nga orihinal ang istorya niini, sukwahi sa mga tsika nga kinopya kini sa usa ka movie ni Roderick Paulate nga may sama niini og konsepto.
Sumala pa nga ang istorya magtuyok sa usa ka bading nga mapugos sa pagsulod isip sundalo human nga may nahitabong di maayo sa lugar asa siya nanimuyo.
Gipasalig ni Vice nga makalingaw na sab kini nga pelikula alang sa tibuok pamilya.
Sa pikas bahin, bilib sab si Vice sa mga Dabawenyo nga mihimo na og ngalan didto sa kauluhan.
Sama na lamang ni Erich Gonzales nga gihulagway niyang “a pretty actress.”
Si Juris Hernandez nga kanhi front act sa MYMP gihulagway sab niyang “very friendly.”
Giklaro sab ni Vice nga walay isyu tali nila ni Chokoleit, niya pa good friends kaayo sila sa komedyante from Davao.