NAGMANGTAS sa 4th quarter sila si Eleazar Armecin ug Rene Pacquiao sa 4th quarter aron aswaton ang San Marino Corned Tuna-SWU Cobras ngadto sa 89-76 nga kadaugan batok sa Winner Beef Loaf-CIT Wildcats kagahapon sa CESAFI 2011 Partner’s Cup sa Cebu Colisuem.
Gipangulohan ni Pacquiao ang kadaugan pinaagi sa iyang 20 puntos samtang nidugang og 15 puntos si Armecin diin kadaghanan sa ilang mga puntos ilang namugna sa 4th quarter.
Ang Cobras naggunit na karon og 2-3 nga rekord samtang ang Wildcats nangatagak sa 1-3 nga baraha.
Gikan sa 15-22 nga biya sa 1st quarter, ang Wildcats nagbangis sa nagsunod nga quarter sa pagpangulo nila ni Steve Castro ug Baluarte hangtod nga nakahimo sila og 43-36 nga labaw sa halftime.
Apan sa 3rd quarter, ningbawos sab ang Cobras sa pag-rally ug nakaposte sila og 60-56 nga labaw pasulod sa katapusang quarter.
Human niini, sila na si Pacquiao ug Armecin ang ningtiwas sa tahas alang sa Cobras hangtod nga naposte nila ang 13 puntos nga kadaugan.
San Marino-SWU (89)- Pacquiao 20, Armecin 15, Guillena 9, Arong 7, Urot 7, Nalos 5, Goloran 5, Wagas 5, Pineda 4, Pogoy 4, Dalondonan 2, Padilla 2 Winner Beef Loaf-CIT (76)- Dimco 16, Castro 13, Baluarte 10, Lopez 8, Sanchez 7, Batiquin 6, Curso 5, Bancale 5, Taboada 4, Delmar 2.