Dear Papa Joe
Just call me Cancer. Duna koy problema bahin sa akong lovelife. Naa koy crush. Iyang name is Joehd. Una sa tanan, na-crush ko niya tungod ra sa chat sa FB. Classmate man mi. Nag- eskwela pa ko sa high school. Everytime kon tutukan nako siya ,di ko makasabot sa akong gibati. I am always asking myself, do I love him?
Buotan man siya. Cute kaayo siya kay lawom iyang kandiis. Pirme mi mag-chat. Happy kaayo ko kon pirme siya mo-online. Naay adlaw, wa ko kaagwanta naingnan nako siyag I love you sa FB. Nibawos sad siyag I love you too. Wa ko katuo. Hangtod sige mig chat ug nanguyab siya nako. Wa ko makatuo. Birthday pa gyud to niya. Ako ra pud siyang gisugot kay syempre love nako siya. Ako siyang giingnan nga di ko niya binuangan ug pahilakon. Nisaad siyang di. Sugod niadto magsige na mi og chat. Malipay daw siya kon magsige mi og chat. Di man siya motagad sa personal kay mauwawon man daw siya.
Pag Pasko ug New Year, way may klase, panagsa ra mi mag-chat. Di na kaayo siya motagad sa FB. Para nako nagbag-o na siya. Maorag naa siyay lain nga uyab. Pagbalik eskwela sa January, nabag-uhan ko niya. Dunay time, gisugsug ko sa among classmate nga naibog daw ko ni Joehd. Giduol sa among classmate si Joehd kay naa silay pangutana. Ang ilang pangutana nga nagkauyab ba daw mi ni Joehd. Nisulti siya nga wala. Sakit kaayo paminawon nga wa mi nagkauyab. Nihilak ko sa luyo ug niuli siya sa school.
Wa ko kasabot sa akong gibati. Maorag gikuha ang akong kasingkasing nga way anestisya. Naay time ni open ko sa FB, gitan-aw nako ang FB ni Joehd. Naay suwat Joehd is now in relationship with Ms.Ii. Naghilak ko nga nagtan-aw sa mga picture nilang duha Nisulti gud siya nga di ko niya kabuangan. Apan kutob ra diay to sulti. So nag-decide ko og move on. Ni- concentrate ko sa akong pag eskwela apan di nako malikayan nga makalingi niya. Pag-March, nag-chat mi ni Joehd. Nisulti siya nako nga di na daw siya mag-uyab-uyab kay di siya ka move on ni Ms.I. Buwag na daw sila. Gi tan-aw nako ang profile ni Joehd, single na siya. Apan hangtod karon siya gihapon ang naa sa akong kasingkasing. Bakasyon na, gimingaw na ko niya. Gusto ko makakita niya. Love gihapon nako siya. Angay ba nako ipadayon ang akong love niya or di na?
MS. CANCER
rMs. Cancer,
Salamat. All I can say nga sa kataas sa imong suwat ang end part nagpamatuod nga binata pa nang imoha. Infatuation, puppy love. Mas maayo nga mag focus na lang ka sa studies nimo. Di na matawag og uyab nga di magtinagdanay sa personal. Hahahaha. What if moabot gyud na nga panguyaban ka sa laki in person. Normal ra na ma crush apan ayaw pada sa tama nga maoy masaypan sa mga batan-on kasagaran kay nadala sa init.
PAPA JOE
(papajoelon@hotmail.ph)