DILI apektado ang TV host Mariel Rodriguez sa mga negatibong impresyon sa iyang pelikula nga "Tum: My Pledge of Love" uban ang banang si Robin Padilla.

Subay sa report hinay ang hatak sa pelikula sa magtiayon, sukwahi sa expectation sa magtiayon nga dugukon gyud kini sa mga moviegoers kun ipasalida na sa mga sinehan.

Ni Mariel, dili na sila apektado sa mga negatibo nga komento sa katawhan, kun diin alang nila mas bug-at gihapon ang komento gikan sa mga tawong nakalantaw mismo sa pelikula.

"Actually we don't talk about those things. We're not affected by those news. Ang iniisip namin eh yung reaction of the people who watched it. So far, we are so blessed kasi napakaganda nung feedback ng mga taong nakapanood ng movie," ni Mariel.

Luyo sa dili maayong report labo sa pelikula, nangguwa sab ang mga report nga mobiya na si Mariel sa noontime variety show nga "Happy Yipee Yehey" aron i-career ang iyang pagka-housewife. Dugang pa nga dili na sab like ni Mariel nga magtrabaho tungod mas feel na lamang niyang buhaton nga silbihan si Robin.

"Hindi naman sa tinatamad ako mag-work. Work is a blessing and hindi naman din namin gusto na hindi ako magtrabaho," niya pa.

Rason ni Mariel nga bisan og happy siya sa iyang trabaho, apan gibarugan niya nga this time nag-unang priority gihapon niya ang pag-atiman sa iyang bana.

"He knows that he's my priority and whenever he needs me, whatever it will be I will always be there for him. Everything follows," sumala sa TV host.