Tambagi ko Noy Kulas: Rape victim

DEAR Noy Kulas,

Tagoa lang ko sa ngan nga Melay,18, taga Cebu. Nag-study ko karon sa college. Kabahin ni sa akong long-time secret sa kinabuhi.

Sa first year high school pa ko, duna koy first cousin nga akong classmate. Suod kaayo mi, sukad sa gagmay pa ming bata. Maora gyud mi og magsuong duha sa among ka close.

Magkuyog mi bisan asa ug kay close lagi, nagkasabot ming mag-classmate gihapon sa high school. Mao to nagpa enroll ming duha sa usa ka school. Pila may estorya gisuwerte kay nagka classmate gyud mi.

Dihay activity sa school nga hangtod sa gabii. Kay naa man siya, ang akong parents nisugot nga moapil ming duha. Kini laging mga batan-on pa, human sa activity nanuroy ming duha. Iya kong gidala sa usa ka beach. Nangutana ko kon mag-unsa mi. Ingon niya magpahangin ra mi. Pag-abot namo sa lugar, mingaw man kaayo kay medyo layo sa mga balay.

Abtan og 30 minutes sukad sa among pag-abot, iya kong gikalitan og gakos unya gihagkan. Nakalitan ko. Nilugnot ko pero maora siya og nayawaan. Kusgan kaayo siya, ug gipugos ko niya og pahigda. Wa ko kahibawo nga nagdala diay siya og gamay nga knife, iyang gition sa akong liog. Wa ko kapalag. Nisugot na lang ko sa iyang gihimo, dala ang paghilak. Nakuha niya ang akong pagka babaye.

Iya kong gibaharan nga patyon kon dunay makahibawo. Human adto wa na ko makigkuyog niya. Wa na ko makig-classmate niya pagka next year. Dugay na tuod to pero hangtod karon nakahasol nako. Wa ko mag-uyab-uyab hangtod ron kay hugawan ko sa akong self.

Mahadlok ko og mga lalake. Unsa man ang akong buhaton, Noy? Please tambagi tawn ko.

MELAY

Melay,

Nakaistorya na ko og at least lima ka mga rape victim, either sa phone or personal gyud. Managsama ang ilang pagtan-aw sa ilang kaugalingon nga unworthy ug hugaw.

Mao nga ako silang gitambagan to go into counseling aron mo-undergo og process sa stress debriefing ug uban pa aron maulian ang perception sa iyang kaugalingon ug mahiuli ang naguba nga self esteem. Ubos kaayo ang pagtan-aw sa iyang kaugalingon sa tawo nga giabusohan. Most rape victims look so normal, but deep inside they are so wounded.

Sama sa uban, mas maayong mo-undergo ka og counseling. Nagtungha man tingali ka karon.

Sa inyong tunghaan naa may guidance counselor, bisitahi ug estoryahi sa imong kasinatian aron matabangan ka. Let it out kay kabahin man na sa healing process.

Just think of this, huna-hunaa kadto nga sama sa gikutlo ang imong pagkababaye sa imong boyfriend. Sama sa ubang mga babaye nga ilang nahatag ang tanan ngadto sa lalakeng ilang gihigugma, apan napakyas ang ilang relasyon. Yet, bisan nahatag nila ang tanan, they move on. Yes, gipugos ka ug pangabuso ang gibuhat sa imong ig-agaw.

Ang akong gi- point out mao nga kon pagkababaye ang hisgutan, naangkon sa lalake ang ilang pagka babaye. Giilad ba sila or palpak lang gyud ang relasyon, the same, nagisi ang hymen and invaded ang ilang pagkababaye. On their own will hinuon. Ang akong gipasabot nga the same ang nahitabo sa ilang pagka babaye, but lain lang ang sirkumstansya. They move on and they still love themselves so much. Mao na ang thinking nga akong gustong imong batunan. Nahitabo na man to. Move on.

Don’t feel guilty kon naa kay hinigugma or magminyo ka puhon. Ang part sa lalake mao ang karon ug ugma, di ang imong past. Always stress that ni bisan kinsang lalake nga mangutana kon virgin ka pa ba o di. Ang tinud-anay nga gugma usab wa magsukad sa hymen. No matter what, ang tinud-anay nga gugma kanunay nga mopatigbabaw.

NOY KULAS

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph