NAKUHA sa Amerikanong si Ray Bush ang titulo sa Wanggits division sa Keiz BJ Motors “Habal-Habal and Wanggits Showdown” niadtong Dominggo sa Caduawan, Tabogon.
Nagsunod kang Bush mao sila si 2nd placer Isuy Cuesta ug 3rd placer Nanding Pepito.
Samtang sa Habal-Habal category, ang mikampiyon mao si Mar Lee unya nagsunod kaniya mao sila si 2nd placer Vincent Tundag ug 3rd placer Ike Tombiga.
Si Keizer Ornopia nakakuha og dakong atensyon dihang nakasakmit siya og duha ka mga titulo, sa Mini Class 65 ug Peewee.
Nagsunod kang Keizer sa Mini Class mao sila si 2nd placer Brylle Ornopia ug 3rd placer Tomas Largoza samtang ang nagsunod kaniya sa Peewee mao sila si 2nd placer Ken Ornopia ug 3rd placer Kyle Gastador.
Ang ubang mga nindaog mao sila si Jaime Ponce sa Executive B, Alex Abalo sa Local Enduro, James Mayol sa Beginners Open, Brylle Ornopia sa Mini 85, ug Russel Gungob sa Executive A.
Samtang sa labing gikaintapang kategoriya nga mao ang Mga Mahuyang, ang midaog mao si Sonny Boy unya nagsunod kaniya sila si 2nd placer Roched Lopez, ug 3rd placer Joey Ortega.
Ang nag-organisar sa lumba nga si Seigfre Ornopia mapasalamaton kaayo sa iyang higalang si Jonathan Cuyos, kinsa nagpahuwam kaniya og ‘pay loader’ sa pagporma sa race track.
Si Cuyos miapil sab sa lumba ug nakuha niya ang ikaduhang puwesto sa Executive B.
Ang ubang nagsuporta sa lumba mao ang PTT Lubricants, James Ang, Haojue Philippines, Edmund Pingkian, RMO Motor Parts.