GIPAHIMUSLAN og maayo sa Ave Maria Sanctuary Park-University of San Jose Recoletos (USJ-R) Jaguars ang ilang dakong bintaha ug wala’y kaluoy nilang gipanglam-pornas ang San Marino Corned Tuna-Southwe-stern University (SWU) Cobras, 92-57, sa miaging gabii sa Cebu Schools Athletic Foundation Inc. (Cesafi) 2011 Partner’s Cup sa Cebu Coliseum.

Ang Cobras misulod sa korte nga aduna lay 12 ka mga magduduwa, usa ka dakong disbintaha sa usa ka torneyo nga nagsubay sa barangayan system.

Tungod niini, naahat ang Cobras nga ningduwa sa 2nd quarter nga aduna lay tulo ka mga sakop kontra sa lima sa Jaguars.

Sa sayong bahin sa maong quarter, nakakom-bati pa ang tulo ka mga sakop sa Cobras.

Apan sa ngadto-ngadto, naluya ra gyud gihapon kini hilabi na kay nagsige og trapping defense ang Jaguars.

Naggukod pa ang Jaguars human sa 1st quarter, 12-16, apan sa halftime, nakamugna na sila og 40-25 nga labaw.

Sa 3rd quarter, upat ra ka mga sakop sa Cobras ang ningkombati.

Sama sa gilauman, gisamutan sila’g lubong sa Jaguars hangtod nga miabot sa 40 puntos ang biya, 73-33.

Wala na gyu’y nahimo ang Cobras bisan lima na ang ilang mga magdu-duwa sa 4th quarter.

Ang Jaguars misaka sa 2-3 nga baraha sam-tang ang Cobras natagak sa 2-4 nga rekord.

Sa laing duwa, naka-tilaw na gyud og himaya ang Rose Aquarius Mer-chandising-University of Southern Philippines Foundation (USPF) human nila gipukan ang Winner Beef Loaf-Cebu Institute of Technology (CIT) Wild-cats, 89-75.

Ang Panthers ug Wildcats parehong naggunit og 1-4 nga baraha.