GIBANABANA nga moabot og P150 mil ang nahimong danyos sa pagkasunog sa usa ka gambalay nga pulos tindahan sa ukay-ukay didto sa Bankerohan Public Market ning siyudad sa Dabaw niadtong Sabado.

Ang nasunog nga Marfori Shopping Center gipanag-iyahan sa Marfori Corporation.

Base sa imbestigasyon ni PO2 Nelson Galban sa San Pedro Police Station, siya nagkanayon nga ang sunog nagsugod gikan sa ikaduhang andana ug ang hinungdan mao ang 'faulty electrical failure' alas 5:30 sa buntag.

Sa maong insidente, napulo ka stall ang naugdaw nga gipanag-iyahan nila Salma Balin Dong (2 ka lawak), Salong Mata Agtar (2 ka lawak), Mariam Maruhong (2 ka lawak), Arga Matala (1 ka lawak), Matia Matabatar (1 ka lawak) ug duha ka lawak nga gipanag-iyahan sa wa gihinganlan nga doktor.

Way natalang namatay o na-angol sa maong panghitabo. (Marizz Robilla)