POSITIBO si Ramon San Pascual, executive director sa Philippine Legislator's Committee on Population and Development (PPLCPD) nga pinaagi sa reproductive health bill makabaton na og saktong kasayuran ang mga inahan labot sakto nga pagbaton sa ilang gisabak, luwas kini nga mahimugso ning kalibutan.

Sa nakalabayng pagduaw ni San Pascual dinhi sa siyudad sa Davao gibutyag niini nga kun ang gihuna-huna sa tanan mao ang kaluwasan sa kadaghanan, angay sab sumala pa nga lantawon ang kaluwasan sa mga babaye nga nanganak, komplikasyon nga ilang giatubang tungod sa kakuwang sa rekurso.

Sumala pa nga bisan ang Philippine Commission on Women sa ilang suwat pamahayag nagkanayon nga: "Maternal mortality rates in the Philippines” to which is deeply in trouble, that there are 11 mothers die of child birth and pregnancy complications every day and 7 out of 10 infant death occur at child birth or within a day of delivery."

Nagtuo ang grupo nga ang RH Bill dili alang sa pagkontrola sa populasyon apan kini usa ka lakang aron mapugngan ang pagkamatay sa inahan tungod sa ilang pagpanganak.

Gibarugan sab ni San Pascual nga ang RH bill wala giduso aron makunhuran ang populasyon sa nasud, apan kini aron matutukan ang kaluwasan ug kahimtang sa panglawas sa usa ka inahan.

Dugang ni San Pascual nga ang ika-lima nga Milleneum Development Goal sa United Nation naghisgut sab sa Maternal health, diin gibutyag niini nga:

"The UN’s fifth Millennium Development Goal is to improve the system of maternal health in poor, high fertility countries where women have a much greater chance of dying during childbirth. The target to reach this goal is to reduce by three-quarters the maternal mortality ratio. Honduras for example is on its way to achieving this goal by reducing its maternal mortality rate by half after initiating a monitoring system to determine causes of death in all such cases."

Rason ni San Pascual nga kun wala ang RH bill magpadayon ang pagkamatay sa mga inahan tungod sa pagpanganak.

Yagyag niya nga subay sa ilang rekords, dunay onse ka mga babaye nga nanganak matag adlaw ang namatay tungod sa nagkadaiyang komplikasyon.

Luyo sa komplikasyon nakita sab nga rason ang walay igong pagtulun-an sa usa ka babaye labot pagbaton og anak, unsa ang reproductive health care.

Sumala pa nga may 500,000 ka kaso sa abortion sa nasud nga dakong puruhan sab nga mameligro ang kinabuhi sa usa ka inahan.

Gipaniguro sab ni San Pascual nga wala nila gikonsidera ang pagpunit og bata sa sabakan, apan tudluan nila ang mga inahan nga kini likayan, pasabton sila sa unsa ang pinaka-luwas ug maayo nga lakang. (Rhona O. Goc-ong)