MALAMPUSON nga nasignit sa kapulisan ang tulo ka mga suspek sa pagpanulis og internet cafe didto sa dakbayan sa Digos niadtong Sabado.

Sumala sa kapulisan sa Digos City Police Office (DCPO) nga ang mga dinakpan maoy gitudlo sa mga saksi nga nagpaluyo sa sunod-sunod nga pagpanulis sa mga internet cafe sa dakbayan.

Giila sa kapulisan sa Davao del Sur police headquarters ang mga suspek nga sila Eddie Deocampo, 41, ug iyang mga anak nga si Richard Deocampo, 38, ug ang usa nga nagpangedaron og 18 anyos apan wala gibutyag ang pangalan.

Gikanayon kagahapon ni Superintendent Hubert Abadia, city police director, nga ang mga Deocampo nasikpaw sud sa usa ka imnanan niadto pang Miyerkules human nakadawat og taho ang kapulisan sa DCPO nga dunay mga armado nga nakita-an sa maong dapit.

Nakuha sa mga suspek ang usa ka kalibre .38 revolver.

Sumala pa nga namay-ongan sa usa ka testigo ang 18 anyos nga anak ni Deocampo nga maoy responsable sa pagpanulis sa usa ka Internet cafe sa siyudad niadtong Abril 12 ning tuig kasamtangan.

Gidason sa wa magpailang tigbantay sa gitulis nga internet cafe nga ang nakuhang armas sa pulis gikan sa mga suspek mao ang pusil nga gition kaniya sa dihang gitulis sila sa mga suspek.

Kagahapon gihan-ay na sa kapulisan ang asunto sa mga suspek nga ipasaka ngadto sa hukmanan. (Dondon Dinoy)