Tallo, ACTI milubong sa SIT

NAGPAKATAP og 25 puntos si kanhi CESAFI ug NBA Jr. MVP Mark Jayven Tallo aron pangulohan ang 75-57 nga kadaugan sa ACTI batok sa Salazar Institute of Technology (SIT) Baby Skyblazers kagahapon sa pagsugod sa Cebu Basketball Association (CBA) Junior 18-Under tournament sa Cebu Coliseum.

Si Tallo, kinsa moduwa na unya sa Ateneo de Manila Blue Eagles sa Manila inig patong niya sa kolehiyo, bangis gyud og gipakita sa duwa ug wala gyud nakapugong kaniya ang Baby Skyblazers.

Sa pagsugod pa lang, nanginit na dayon ang mga kamot ni Tallo ug iyang nahatagan og 26-10 nga labaw ang ACTI human sa 1st quarter. Wala na dayon sila molingi pagbalik gikan niadto.

Sa laing duwa, ang Family Appliance, nga gilangkuban og mga magduduwa sa Cesafi high school champion Cebu Eastern College (CEC) Dragons, ningpukan sa Ave Maria Sanctuary Park, 79-70. Nimugna og 25 puntos si Niel Sumayang aron pangulohan ang kadaugan.

Nawala na man tuod kanila ang ilang ubang mga sinaligan kay ningpatong na kini sa kolehiyo, gipakita sa Dragons nga aduna gyud gihapon sila’y ikabuga.

Puntos kada usa:

1st game

Family Appliance (79)- Sumayang 25, Bauya 10, Hueves 9, Villarosa 7, Sedillo 7, Balanking 6, Roxas 5, Sabanal 5, Soreno 3, Zosa 2.

Ave Maria (70)- Magdali 20, Sanchez 12, Bono 11, Senining 6, Senining 6, Alob 4, Susas 4, Go 3, Hermosilla 2, Barbosa 2.

2nd game

ACTI (75)- Tallo 25, Crisologo 13, Nazareno 10, Cuyos 7, Neri 6, Espina 6, Paon 2, Dinsay 2, Romero 2, Kong 2.

SIT (57)- Ypil 11, Cadampog 9, Falcon 9, Garcia 9, Cubcuban 8, Montayra 4, Igot 3, Gualisa 2, Cadampog 2.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph