PATAY ang usa ka 4 anyos nga lalaki human nahug sa kanal sa alas 11:00 sa buntag niadtong Dominggo didto sa probinsiya sa Cotabato.
Nailhan sa kapulisan ang biktima nga si Rizaldy Tampus ug molupyo sa Barangay Poblacion 1, Midsayap.
Sigun sa taho gikan sa Cotabato Police Provincial Office, nasayran nga nagdula ang bata kilid sa kanal sa National Irrigation Administration (NIA) duol sa ilang bay. Apan aksidente kining nahulog hinungdan nga naanod sa kusog nga bul-og sa tubig.
Dali nga mitaho ang mga silingan sa biktima ngadto sa iyang ginikanan, apan wala na nila makit-i ang bata.
Human ang usa ka oras, nakaplagan na lang nga patay na si Tampus sa ubos nga bahin sa irrigation dump nga nasangit sa gamot sa kahoy.
Sumala sa inahan sa bata nga si Arlyn nga wala niya mamatikdi nga ang iyang anak migawas na diay sa ilang bay kay nagduwa hinungdan nga aksidente siya nga nahug sa kanal sa NIA.
Patay'ng lawas sa bata gihaya na sa ilang panimalay. (Edgardo Fuerzas)