Tagming

AC Martin

KUMUSTA ang inyong Semana Santa? Ako naa ra ko sa balay nagmoni-moni wa may budget.

Mga espituhanong basahon ug ang remote control sa TV ra gyud intawoy atong gikurikuri.

Apan in fairness nalingaw ko sa TV marathon sa Minsan Lang Kita Iibigin. Nindot man diayng salidaha no! Nindot siyag estorya. Bantug ra daghang naungo.

COCO YUNGIT

Maayo kaayo si Coco Martin sa iyang dual role. Si Lorna Tolentino bisan sa iyang pangidaron gwapa lang gihapon. Wa say paglubad ang Amy Austria.

Ang problema lang ni Coco kay yungit siya sa letrang S. Distracting paminawon labi na sa mga dramatic scenes. Samot nag daghang S ang iyang dialog klaro kaayo nga duna gyud siyay problema.

Siyaro ang ABS-CBN wa gyud katabang ni Coco nga kadaghang maayong laking speech therapist diha.

SO LONG, AJ

Karon pa gyung adlawa, Martes ang lubong ni AJ Perez. Live ni karon sa ABS-CBN human sa 9 a.m. necrological mass.

Posibleng gituyo ni nga karon na lang adlawa aron makaapas ang mga Star Magic talents nga gahapon lang nangabot gikan sa ilang US tour.

Siguradong mobaha na sad ang luha sa mga kapamilya fans karong buntaga. Pag-andam na lang mo daan og labakara sa inyong kilid.

CHERRY MOBILE

Usa ko sa nitambong sa grand opening sa bag-ong Cherry Mobile Service Center niadtong

Abril 15 nga anaa mahimutang sa QC Pavilion, Gorordo ave.

Di na gyud mo mabalaka kon madaut ang inyong cellphone kay barato ra kaayo ang labor, 10% ra sa presyo sa inyong cellphone. Kon P1,000 ang kantidad sa inyong cellphone, P100 ra ang bayad ana sa pagpaayo.

Dali ra kaayo ni tultolon uy kay nagbansiwag ang mga life-size pictures sa ilang mga endorser nga si Kim Chiu ug John Lloyd Cruz sa ilang Service Center diha sa QC Pavilion. Laysho!