ARON makahatag og mas dako nga espasyo ug mas maanindot nga serbisyo, ang Cebu City Sports Center gikatakdang paninduton sa umaabot nga mga bulan.

Matod pa ni Ricardo Ballesteros, manager sa Cebu City Sports Center, duha na ka mga tuig na kining giplano apan hangtod karon, padayon gihapon kining gituki sa Bids and Awards Commi-ttee sa Cebu City Council kon asa i-award ang pag-paayo niini.

Nidugang si Balleste-ros nga naa pay mga kinahanglanon nga wala pa makompleto sa duha ka mga nominado nga construction companies.

Gipasabot ni Ballesteros nga padayon pa sab ang proseso sa pagpaayo sa CCSC.

Sa pagkakaron matod pa niya nga mamahimo unang unahon ang civil works sama sa pagpaayo sa drainage, pagpananom og dugang bermuda grass sa football field ug pag-patukod og kural niini.

Ang pag-ilis sab sa rubberized oval track ang usa sa ilang gituki.

Giklaro ni Ballesteros nga lima ra gyud unta ka tuig ang angayang giduga-yon sa rubberized oval track apan miabot na lang og 17 ka mga tuig, wala gihapon kini hulipi. (Daisy Dawn E. Noel, CNU Comm Intern)