Duwa karon

7:00 p.m. – Talk ‘N Text batok Ginebra

KADAGHANAN sa mga coach mipabor sa Talk N’ Text Tropang Texters apan alamh nila ni Texters coach Chot Reyes ug Brgy. Ginebra Gin Kings mentor Jong Uichico, balanse ra ang kompeti-syon.

Ang Texters, nga nagtinguha sa ilang ikaupat nga titulo, ug Gin Kings sa ilang ikasiyam nga titulo, magsangka karong gabii alang sa Game 1 sa best-of-seven championship series sa Philippine Basketball Association (PBA) Commissioner’s Cup sa Araneta Coliseum.

Kini maoy ikaduha pa lang nga higayon nga mag-engkuwentro sa finals ang duha ka mga kampo, ang premiro niadtong 2004 Philippine Cup diin midaog ang Ginebra, 4-2.

Sila si Rain or Shine coach Yeng Guiao ug Smart Gilas coach Rajko Toroman mikonsiderar sa Texters nga inilog sa series samtang si Alaska coach Tim Cone nangagpas nga modaog ang Texters, 4-2.

Si Reyes, kinsa nakakuha na og unom ka titulo isip coach, nabalaka nga natay-an og gamay ang katakos sa iyang team tungod sa taas-taas nilang pahuway.

“The finals is a different ball game. All post records now should be put aside. It don’t mean anything now. It happened in the All-Filipino when San Miguel was the favorite but we won. I don’t think so we have to listen to which team is the favorite, everything is even between Ginebra and Talk ‘N Text,” matod ni Reyes.

Ang Texters sayong nakasulod sa finals kay ilaha mang giharos ang Air 21 Express, 3-0, sa ilang semi-finals series.

“It’s 50-50. I don’t think so the other team has the advantage, but we don’t also have a disadvantage. This Finals is the best match-up for the league,” matod ni Uichico.

Sa nag-inusar nilang duwa sa hamubong elimi-nation round, munagin-hawang midaog ang Tex-ters batok Gin Kings, 102-99. (Frank Calapre)