MAGSUGOD karong adlawa ang 2nd round sa eliminasyon sa Cebu Schools Athletic Foundation Inc. (CESAFI) 2011 Partner’s Cup sa Cebu Coliseum.

Sa premirong duwa, ang Lion Tiger Aerosol/University of the Visayas (UV) Green Lancers makigharong sa Winner Beef Loaf/Cebu Institute of Technology (CIT) Wildcats.

Samtang sa main game, mag-abot ang San Marino Corned Tuna/Southwestern University (SWU) Cobras makigsangka sa Prime Asia Pawnshop/University of San Carlos (USC) Warriors.

Ang Green Lancers, nga ninghuman sa 1st round dala ang 5-1 nga baraha, inilog gyud kaayo batok Wildcats, nga ning pagsuwat padayon pang nakigkombati sa Warriors kagabii.

Apan basi sa ilang engkuwentro sa 1st round, dili gyud angayang moluag ang Green Lancers ning sangkaa. Niagi sab sila’g pagpanghudlat una nila napukan ang Wildcats, 82-77, niadtong Abril 11.

Sa laing kombati, nalantawan nga balanse ra ang puwersa sa Cobras ug Warriors.