`Love triangle’ motibo sa pagpatay

DEAD-on-arrival (DOA)sa tambalanan sa dakbayan sa Carcar ang usa ka lalake human gipusil sa uyab sa iyang higala nga babaye kagahapon sa ala 1:00 sa hapon sa Sitio Baha-Baha, Barangay Liburon sa mao nga dakbayan.

Love triangle ang usa sa mga anggulo ang gisubay sa kapulisan sa pagpatay kang Nestor Alcuizar, taga Sitio Tubod, Barangay Valladolid, kinsa samdam sa ulo human gipusil sa suspek nga si John Dialemas, 25, taga Sitio Riles, Barangay Bolinawan sa mao nga dakbayan.

Si PO2 Gilmer Noval, desk officer sa Carcar police nga nahinabi sa Sun.Star Superbalita, nagkanayon nga ang biktima niduaw sa balay sa iyang higalang babaye nga 27 anyos.

Ang babaye uyab sa suspek.

Matod pa ni Noval nga kuyog sa suspek sa iyang pagduaw sa iyang uyab mao ang iyang inahan.

Nagdungan pa silang tanan sa pagpangaon uban ang biktima.

Apan nahisgutan sa biktima ang igsuon sa suspek nga nabilango sa Bureau of Jail Management and Penology sa BJMP-Carcar.

Human sa sa ilang pagkaon, nisunod usab sa pagkanaog ang biktima ug pipila ka mga gutlo human sa pagkaon, usa ka buto sa armas ang nadunggan sa girlfriend sa suspek.

Nakit-an sa girlfriend ang biktima nga nagbuy-od gawas sa balay tupad sa inahan sa suspek nga nagbarog samtang ang anak niini nahanaw.

Wa isalikway sa kapulisan nga selos ang motibo sa krimen sanglit ang biktima ingon man ang suspek magkanunayan na nga moduaw sa panimalay sa babaye.

Hinuon ang uyab sa suspek gihuptan karon sa kapulisan kay ilang gihimong testigos sa kaso.

Si Chief Insp. Ali Baron, hepe sa Carcar Police nga nahinabi sa Sun.Star Superbalita ug nangulo a hot pursuit operation kagahapon nagkanayon nga personal ang motibo sa krimin nga ilang gisubay.

Dunay personal nga panagbangi ang biktima ug suspek, kinsa giingong paryente lang sa inahan niini.

Base sa ilang nakuhang impormasyon nga ang biktima maoy gitumbok nga nakapusil patay sa amahan sa suspek mga duha ka tuig na ang nakalabay.

Ang kapulisan narekuber sa crime scene sa usa ka kabhang sa bala sa kalibre .45 nga pistola.

Sa pagsuwat ning taho, gipahigayon pa sa kapulisan ang hot pursuit operation human sila makadawat og taho nga ang suspek nagtago sa silingan nga lungsod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph