GIIMBESTIGAR sa kapulisan ang duha ka mga tawo kalabot sa pagpatay sa mag-agaw nga Glenn Parawan ug Manuel Edgardo Parawan III sa bukirang barangay sa Taptap, dakbayan sa Sugbo sa miaging semana.

Si Chief Insp. George Ylanan, chief sa Investigation and Detective Management Branch (IDMB) sa Cebu City Police Office (CCPO), wa hinuon mobutyag sa ilang mga ngan samtang wa pay resulta sa ilang imbestigasyon.

Ang mao nga mga tawo nagpuyo sa silingang barangay sa Malubog.

Si Ylanan, uban sa operatives sa Homicide Section ug Crime Scene Investigation Unit, nakapag og sako ug yellow packaging tape, nga gikatahong susama sa gigamit sa mga killer sa mga Parawan.

Napalgan kini sa usa ka farm diin ang mao nga mga tawo nagtrabaho.

Sila si Glenn, 32 ug Manuel, 17, nakaangkon og mga samad tinigbasan sa tangkugp, ulo ug baba, napalgang gigapos og packaging tape ug buwag nga gisulod sa mga sako.

Si Ylanan niingon nga usa ka saksi ang nitabang karon kanila sa imbestigasyon, labina sa pag-ila sa mao nga mga tawo. (Sun.star Cebu)