MAY mga tsismis nga nagka-reconcile na sumala pa sila Kim Chiu ug Gerald Anderson atol sa ilang Star Magic tour sa U.S.

Sitsit sa mga nakakita sa duha nga mas sweet pa sila sa real couple nga sila John Lloyd Cruz ug Shaina Magdayao nga join sab sa maong show.

Kun mao man, sure gyud nga unang malipay mao ang mga Kimerald fans nga una ng namahayag nga buot nilang magka-reconcile ang ilang mga idols.

Bisan pa man og nabarugan ni Gerald nga carry ning mopa-rate og pelikula bisan og dili si Kim ang iyang partner sama na lamang sa "Catch Me, I'm in Love" with Sarah Geronimo daghan gihapon ang naglaum nga makita sila og usab ni Kim sa usa ka proyekto.

Well, kun tinuod man kini, then echapwera na sab si Jolo Revilla nga mipakita sa iyang interes nga makig-close kang Kim.

Si Jolo ug Kim uban sa seryeng "Binondo Girl."

Diretsahang giangkon ni Jolo nga attracted siya kang Kim.

Apan kun nagkabalik na si Kim ug Gerald, so it means wala na sab sa eksena si Jolo.