KUMPIRMADO na nga ang International singing sensation nga si Charice ang mokanta sa Philippine national anthem atol sa Manny Pacquiao-Shane Mosley showdown sa MGM Grand Arena sa Las Vegas, Nevada karong Mayo 7.

Sama sa uban niyang away, mismong si Pacquiao ang mipili sa 18-year-old rising Asian pop star nga mokanta sa "Lupang Hinirang," sumala pa sa advisor sa boksidor nga si Michael Koncz.

Sumala ni Koncz nga naistoryahan nila nga si Charice ang mobirit atol sa big event.

Dugang pa nga kun motando si Charice lauman nga mas daghan ang molantaw sa gikahinamang away.

Say pa nga honored ang Team Pacquiao nga misugot si Charice sa maong favor.

Niadtong 2009 mipakita sab og interes si Charice nga mokanta sa national anthem sa usa ka away ni Pacman.

Sa maong tuig nangandam sab ang People's Champ sa iyang pakig-atubang kang British boxer Ricky Hatton.