GILUBA ang usa ka 28 anyos didto sa Sta. Cruz Integrated Bus Terminal niatong Martes sa buntag.
Sumala sa taho ni PO2 Elmer Bañagaso ngadto sa Davao del Sur Provincial Police Office (DDSPPO) nga ang insidente nahitabo banda ala 1:30 sa kaadlawon sa maong adlaw.
Ang biktimang si Amado Mainar, minyo ug lumolupyo sa Sityo Bagumbayan, lungsod sa Sta. Cruz, Davao del Sur, giluba sa suspek nga nailhan lang matud pa nga alyas Adtoon.
Si Mainar dali nga gidala sa Lagrada Medical Clinic apan girekomenda sa mga nag-atimang doktor nga ibalhin sa Southern Philippine Medical Center (SPMC) didto sa dakbayan sa Davao tungod sa nahiagum niyang samad sa lawas.
Wala na maabti sa kapulisan ang suspek human nga daling misibat human ang hitabo.
Sumala ni Bañagaso nga iduso na nila ang tukmang kaso batok sa suspek.(Dondon Dinoy)