IPAHIGAYON karong Abril 30 ug Mayo 1 ang Rose Pharmacy Chess Tournament sa Elizabeth Mall Activity Center ning dakbayan sa Sugbo.
Ang maong torneyo mosubay sa 9-round Swiss System ug adunay time control nga 20 minutos ang matag magduduwa ug 10 ka segundos nga incre-ment.
Mokabat sa kapin P20,000 ang kinatibuk-ang ganti niining duha ka adlaw nga panagtigi.
Ang mamahimong kampyon makadawat og P5,000, P4,000 alang sa 2nd placer, P3,000 sa 3rd placer, P2,000 sa 4th pla-cer, P1,000 sa 5th placer ug ang 6th ngadto sa 10th placers makadawat og P500.00 matag usa.
Ang maong kalihukan gipasiugdahan sa Rose Pharmacy Inc. inabagan sa Cebu Chess Federation.
Gituohang kapin sa 100 ka woodpushers ang mangapil sa tor-neyo nga pangulohan nila ni IM Kim Steven Yap ug FIDE Master Anthony Makina-no.
Moapil sab ang FIDE Arbiter nga si Jobannnie Tabada, usa ka aktibong chess player nga naay taas nga FIDE rating. Si Tabada, kanhi sports editor sa Sun.Star Daily, gikan sa Dubai ug maoy presidente sa Dubai Chess Club.
Ang registration fee nagkantidad og P50 alang sa mga bata ug mga ba-baye, P100 sa mga estud-yante ug P150 sa open-group.
Alang sa dugang nga detalye, mahimong mota-wag kang Marvin Ruelan sa cellphone number 09267352951 ug Roger Abella sa 09102686890. (Daisy Dawn E. Noel, CNU Comm. Intern)