DEAR Papa Joe,

Just call me James, 18, taga Cebu City. Hapit na mi mo two years sa akong uyab. Just call her Marie. Nagkaila mi tungod sa Sinulog kay dancer man mi. Hangtod sa nagkauyab mi ug stable among relationship. Wa ko damha nga sa ka bag-o namo, gipaila-ila ko niya sa iyang pamilya ug boto ang iyang family namong duha. Ako na pud nagpaila niya sa akong family ug gi-appreciate sad sa akong family ang iyang batasan. Siya ang nahimong instrumento para mausab ko ug nahimong inspirasyon nako kauban akong family para makab-ot nako ang akong mga pangandoy Diha ra sad ko naka-feel og true love ni Marie.

Hangtod mahadlok na ko nga wala siya sa akong side kay para nako kon mawala na siya maorag useless na akong life. Hangtod ato nag dugay mi then naay time nga mag-away mi bisag gamay ra nga estorya, mangita siya og way para modako apan ako magpa hiubos ra niya. Galgalon sad siya sa iyang mga barkada nga pabuwagan ko kay abi nila nga ako rang binuangan si Marie. Mahadlok sad ko nga moabot ang time nga ma-influence siya sa iyang barkada kay naay time nga molaag sila nga di mananghid.

I know normal rana apan kon naa ko sa iyang side as a girl dapat unta mananghid siya di lang nako kon di apil iyang family para di mi mabalaka. Hangtod nagka-communicate sila sa iyang crush sa elementary. Iya kong gibuwagan tungod kay nagsige na kuno kog pamakak. Apan nangayo siyag sorry kay diay ang rason iya kong gibuwagan aron magkauyab sila sa mao nga lalake. Unsa man ang angay kong buhaton aron ko maka move on? Lisod kaayo kay siya ang akong first love. Maglisod sab ko kay pirme kong imbetahon sa iyang family just for fun.

JAMES

James,

Sama sa ubang mga batan-on, nakaagi sab kog ingon niana sa una. Maihap ra man ang wa makaagi. Later, naka-realize ko nga pirme diay na ang first love. Akong buot ipasabot, magtuo ug mag-expect kita nga mao na gyud nang bayhana ang atoang ikauban for life ug gihigugma. Apan sayop diay. Naa gyuy gitagana kanato ang Ginuo nga di mo lang mahibaw-an nga moabot sa atoang kinabuhi.

Kada relasyon, lainlain nga level ang kasakit nga bation sa panagbuwag. Dunay dali rang mahanaw ug duna say dugay. Depende sa closeness sa manag-uyab. Sa imoha sakit kaayo kay nagkailhanay mog maayo sa iyang pamilya busa it will take time for the wound to heal.

Busa, sa healing process, ang paglikay una sa pag-adto sa ilang balay, bisan nindot gyud iadto aron ka makakita kaniya, will not do good for you. Mas maayong mo-lie low ka lang una sa pagpakigkita sa iyang pamilya. Bahala na og makaingon sila nga arte ka. Later, kon kaya mo na, pasabta sila why naingon ka niadto. Makasabot ra na sila. Di baya lalim, di ba?

Katungod ni Marie ang pagpatigbabaw sa iyang kalipay. Busa, respetuhi iyang desisyon. Bata ka pa kaayo, James, busa duna pay purohan nga magkabalik mo in the future. Just don’t burn bridges.

NOY KULAS