DEAR Papa Joe,

I am married and I have two kids already. Na-link man gud ko sa papa sa classmate sa akong anak pag day care. Nagkaila mi first day sa class sa among mga anak. Wa ra nako ni gi mind tawhana. Nahibong na lang ko nga nakahibaw siya sa akong number through sa mga kauban sad namo nga mga parents sa school.

He started texting me. Ako pud nga way lingaw ako pud gi entertain iyang mga text without any bad intention hangtod nagkasuod mi ug magsige nami og tago-tago og kita Hangtod nanguyab siya nako ug na fallen sad ko niya kay caring kaayo siya ug parehas mi og likes, hilabi na sa music. Parehas mi music lovers. Daghan naa niya nga wala sa akong bana mao nga dali ra ko na fallen niya.

Nidangat gyud og one year among secret relationship. Ang iyang wife tua sa Canada karon kay gipaapas na man siya didto kuyog iyang mga anak.

Sakit kaayo para nako, Papa Joe. Gusto ko mokalimot niya but he reminds me in many ways. Samot na makadungog ko og mga kanta nga parehas namo ganahan, lami kaayo ihilak. I know it’s stupidity kay minyo ko. I love my kids and my husband. Ambot ngano di man nako siya makalimtan ug sakitan man ko og taman.

I want to move on. Unsaon man nako? Please advice me. I hope thru your advice maka mata ko sa akong long sleep. Wa ko kasabot aning akong gibati. More power. Thanks again.

CLOUE

Cloue,

Mao nay giingon nga pagmata. Daghang aspeto ngano nagkarelasyon mo. Maybe he was just taking advantage of you kay nakagusto ka niya, labi na wa iyang asawa diri. Kasado ka, nanumpa ka sa atubangan sa pari, sa katawhan labi na sa Ginuo. Ayaw tagbawa ang kaugalingong kalipay kay napuno ni sa usa ka tawo. Anaa kay pamilya. Naa nimo ang pag mugna sa tanang ingredients para molami inyong kaminyuon.

Ayaw lipaya ang kaugalingon nimo kay daghang tawo ang mapagan. Una imong bana ug anak then ang pamilya sa lalake. Iampo sa Ginuo kana.

Pagpaduol kaniya ug tun-i Iyang mga sugo. Kay kon sundon lang nato ang atong kaugalingon, permi pwede bisan kinsa atong birahan. Apan tawo ta nga gihatagan og kaalam sa kahitas-an.

Kana lang ug hinaot maka angkon kag katagbawan kon unsay naa kanimo karon.

PAPA JOE(sa inyong tampo ipadangat lang sa papajoelon@ hotmail.ph)