DUHA ang patay samtang usa ang kritikal human nahulog ang usa ka pasaheroang van sa Bayugan, Agusan del Sur.

Nilandig sa Northern Mindanao Medical Center (NMMC) ning dakbayan sa Cagayan de Oro ang usa ka biktima.

Giila ang biktima nga mao si Luis Guirit, 59, minyo, taga Tagasala, Hinatuan, Surigao del Sur.

Samtang laing kaubang pasahero ang dead on the spot atol sa insidente niadtong Huwebes mga alas 4:00 sa kadlawon.

Kritikal ang kahimtang niini ning panahona apan gisaysay sa kauban niini kinsa nakalingkawas nga ilang namatikdan nga wala na misubay sa dalan ang driver nga miresulta sa pagkahulog sa pangpang nga bahin ug pagkaangol sa mga sakay niini ug pagkakabsan sa kinabuhi sa laing duha.

Ning panahona kasamtangan pa nga giatiman sa mga doktor sulod sa emergency room si Guirit samtang giingong ang driver detinado sa Police Station sa dapit. (SVB)