Bag-ong mga idolo

PAGKAPLAG og bag-ong mga idolo sa basketball gikan sa Sugbo maoy tumong sa VIVA Sports sa ilang pagpakigtambayayong sa Cebu Schools Athletic Foundation Inc. (CESAFI) alang sa 15th season sa torneyo nga sugdan karong Sabado sa Cebu Coliseum.

Mao kini ang gipabuhagay ni Vincent del Rosario, anak ni VIVA big boss Vic del Rosario, ka­gahapon atol sa opisyal nga pag­lusad sa 2015 CESAFI sa Parklane Hotel.

“We focus not only in airing the games of Cesafi but finding also new idols in basketball,” ma­tod ni del Rosario.

Ning maong tahas, ang VIVA Sports ug CESAFI nakig-abag sab sa Smart Telecommunications.

Ang main game sa matag playing date sa Cesafi mao ang ipasalida sa VIVA Sports sa IBC 13 sa primetime (6pm) pinaagi sa delayed telecast. Isalida kini inig ka sunod nga adlaw.

Dili ikalimod nga daghang mga ningsikat nga basketbolista sa nasod nagagikan sa Sugbo ug ning bag-uhay lang, naa ang higanteng si JuneMar Fajardo, pambatong sen­tro sa San Miguel Beermen ug back-to-back MVP sa Philippine Basketball Association (PBA).

Nagkanayon si CESAFI com­­missioner Felix Tiukinhoy nga motunga si Fajardo, kinsa lu­­mad nga taga lungsod sa Pina­mungajan, Cebu ug produk­to sa University of Cebu (UC) Web­mas­ters, sa opening ceremony aron modawat og pasidungog gi­kan sa CESAFI.

Ang bantugang sports com­mentator nga si Ronnie Natha­nielsz, kinsa dugay na’ng nag­trabaho sa VIVA Sports, mibutyag sa bag-ong slogan sa CESAFI sa pagpakigtambayayong niini sa VIVA Sports.

“The new slogan is: Cesafi is the home of furture stars in Philippine basketball,” matod ni Nathanielsz.

“This season offers a lot of opportunities especially to the young athletes. We’re here to develop talents. There are close competitions but at the end of the day, it’s about developing talents,” matod ni Cesafi president Fr. Manuel Uy.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph