ANDAM na ang lokal nga gobyerno dinhi sa pagpatuman sa organic farming.
Sa pagtuki ang organic farming gihulagway nga: "form of agriculture that relies on techniques such as crop rotation, green manure, compost and biological pest control to maintain soil productivity and control pests on a farm. Organic farming excludes or strictly limits the use of manufactured fertilizers, pesticides (which include herbicides, insecticides and fungicides), plant growth regulators such as hormones, livestock antibiotics, food additives, and genetically modified organisms."
Gibutyag ni City Agriculture Office officer-in-charge Leonardo Avila III nga sa nakalabay nga semana gilagdaan na ni Davao City Mayor Sara Z. Duterte ang Implementing Rules and Regulations (IRR) sa City Ordinance 0384-10, o naila nga Organic Agriculture Ordinance of Davao City.
Gipamahayag ni Avila nga pinaagi sa ordinansa ang siyudad mo-identify na og lugar o usa ka organic agricultural zone.
Luyo niini kabahin sab sa ordinansa ang pagmuntar og organic centers ug organic seed banks sa nagkadaiyang agriculture-based barangays sa siyudad.
Ang siudad magtukod sab sa Organic Agricultural Management Council nga langkuban sa hepe sa CAO isip chairman, miyembro sa City Council, City Environment and Natural Resources Office, Department of Trade and Industry, People Organizations, Non-Government Organization, lakip na representante gikan sa academe.
Sa pikas bahin, usa sab sa gilantaw nga sulbad sa basura mao ang pagkolekta sa mga huwag gikan sa palengke.
Ni Avila nga unsa man kadtong hugaw nga makuha gikan sa mga palengke ibutang kini sa Central Nursery sa Malagos Garden sa Calinan nga gamiton nila nga pampatambok sa tanum o ang pamaagi sa composting.
Dugang sa OIC sa City Agri nga karon pa lamang nakita na nila nga posibleng napulo ka tonelada sa basura gikan sa palengke ang ilang makuha.
"Gilantaw nato nga mga 10 tons gyud, pero ang makaya pa lang nato is 1 tons. Mao nga ginalantaw sab namo nga ang makig-tie up with farms other companies nga kini nga mga basura mapahimuslan nato," sumala ni Avila. (Rhona O. Goc-ong)