AC Martin
Tagming
USA SA mga naka-chika nako sa ABS-CBN-Manila ang Cebuanong si Matteo Guidicelli nga very down to earth ug very accommodating kaayo sa Cebu press.
Naa diay 3-storey house ang ilang pamilya sa Alabang. “Gipahimo ni sa akong dad mga 6 years ago when I moved to Manila for my car racing career,” matod pa sa 22-anyos nga aktor.
“Ako rang usa nagpuyo. Sometimes mobakasyon akong family, mga relatives pero most of the time ako ra with some helpers.”
Si Matteo nibutyag nga basta duna siya’y teleserye, sama karon sa Binondo Girl, diin usa siya sa leading men ni Kim Chiu, di siya mahimong mag-Binisaya aron di siya masapid sa iyang dialog.
“Pero usahay mag-binisaya gihapon mi ni Kim, especially kon dili mi ganahan nga makasabot sila. O, close kaayo ming mga Bisaya diri, si Jem Cubil, Enrique Gil, Melai, amigo na nako tanan sila.”
“Among taping sa Binondo Girl every MWF, from there diretso na sa ABS-CBN for Happy, Yipee, Yehey, maora kog buang lagi, maora kog zombie way katug. Mao na pag-abot sa balay tulog ra gyud na.”
Karong Aug. 27 ug 28, si Matteo nibutyag nga gikatakda siyang mo-compete sa car racing nga ipahigayon sa Enchanted Kingdom.
WIL NAGPAATABANG
Nahimuot ko nagtan-aw sa higanteng streamer ni Willie Revillame sa Wil Time Big Time didto sa Manila.
Kinsa may di malingaw nga diha man gyud ni gibutang atbang gyud sa building sa ABS-CBN.
Nagbansiwag ang dakong nawong sa ex-Wowowee host nga maorag nagsugsog sa Kapamilya. Gibitay ni sa Wil Tower ni Willie nga hangtod karon under construction pa.
Malabayan ra gyud og bato ang gintang sa Wil Tower ug sa ABS-CBN complex. Pwerte ra gyung duola. Samtang ang GMA-7 building, kay di ra man sad kaayo layo ang ilang nahimutangan gikan sa ABS-CBN, giatbangan sad ni sa higanteng streamer sa TV5. Ingon ana ka grabe ang kumpetisyon sa maong mga estasyon didto sa Manila.
P1 BILLION PROFIT
Dako-a diay’g ginansiya sa Star Cinema sa miaging tuig. Base sa gihimong presentation sa Corporate Communications sa ABS-CBN namong mga Cebu entertainment press, akong nasuta nga niabot ni sa P1 billion.
Mao diay kon nakabantay mo karong tuiga kada-buwan naa gyuy bag-ong pelikula ang ABS-CBN.
Ang ABS-CBN may total asset nga P39 billion kun 12% increase samtang P5 billion niana ang cash on hand. Laysho!
FRITZIE BERCEDE
Naay presscon karong udto ang ex-PBB teen housemate nga si Fritzie Bercede sa Parkmall.
Sigon sa source nga nanawag gyud og tuyo sa Laysho nga bahin ni sa iyang himuong show sa siyudad sa Mandaue.
Samtang ang MYMP uban sa bag-ong bokalista nilang si Juliet Bathala dunay album launching karong Sabado, 6 p.m. sa Ayala Center Cebu, Activity Center alang sa ilang The Unreleased Acoustic Collection sa PolyEast Records.