Island Garden City of Samal Sanipaan Sanctuary panalipdan

SUPORTA ug panaghiusa ang panawagan sa mga lokal nga opisyal sa Island Garden City of Samal (Igacos) aron maprotektahan ang protected sites sa maong isla.

Sunod semana ilusad ang Pride Campaign sa Barangay Tambo sa Igacos nga ang tumong mao ang pagpreserbar, protektahan ang Sanipaan Marine Sanctuary Park.

Giangkon ni Allan Lacorte, barangay kapitan sa Barangay Tambo, nga nahimo gyud nilang suliran ang pag-dinamita sa pipila ka tawo sa dapit.

Sumani Lacorte nga 24 oras silang nagbantay sa sanctuary aron maprotektahan ang mga isda.

Giangkon sab ni Lludeza Quesada, planning officer III sa Cenro Igacos nga kaniadto puno sa tanum nga mangrove ang area sa Sanipaan apan sa pagpanglabay sa panahon hinay-hinay kini nga nahanaw.

"Ang Sanipaan, sa gamay pako kaniadto, baga og mangroves apan pagdako nako nahanaw na. Mao nga naay project ang city nga magtanum og mangroves," pahayag ni Quesada.

Ang Sanipaan Marine Ward may gilapdon nga 158 ektarya, diin 23 ektarya niini ang gikonsidera nga sanctuary.

Gidugang ni Quesada nga dako og potensiyal ang Sanipaan kon turismo ang hisgutan, butang nga gikinahanglan kini nga panggaon ug suportahan. (Rhona O. Goc-ong)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph