SARANGANI PROVINCE -- Padayon ang pagsuhid sa militar sa kabukiran sa Sarangani Province aron pangitaon ang duha ka mga lider sa Bangsamoro Islamic Freedom Fighters (BIFF) nganakaikyas sa pagronda sa otoridad niadtong milabay'ng adlaw.
Sayo niini, nadakpan ang usa sa mga giingong bomb expert sa BIFF.
Sumala ni Colonel Adolfo Espuelas Jr., commander sa 73rd Infantry Battalion sa Philippine Army nga ang ilang mga ginsakpan kasamtangang nagsuhid sa kabukiran sa Maasim kung diin giingong nagkampo ang BIFF.
Gidugang ni Espuelas nga target sa ilang operasyon ang duha ka puganteng lider nga sila Mohammad Jaafar Maguid ug Limbo Jusin Pala.
Sila ni Maguid ug Pala dunay daghang kasong giatubang apan nakaikyas sa ronda niadtong Lunes sa hiniusang puwersa sa militar ug kapulisan sa gitagoan nilang balay didto sa Barangay Daliao sa Maasim.
Nadakpan sa ronda ang bomb expert nga si Baserin Tongan alyas Palos, nga matud pa responsable sa pagpabusikad og bomba sa convoy ni Sarangani Governor Miguel Dominguez sa Malapatan niadtong milabay'ng tuig.
Apan gipanghimakak ni BIFF spokesman Abu Misry Mama nga miyembro nila si Tongan ug wala sila makaila kaniya atol sa paghinabi sa Bombo Radyo Gensan. (Edgardo Fuerzas)