AC Martin
Tagming
KUMUSTA ang pasko mga suki! Maorag mingaw man. Wa kaayoy mga pabuto. Wa kaayoy handa. Nagdaginot ang mga tawo.
Atong tan-awon karong bag-ong tuig kon mingaw ba gihapon. Ang dagkog ngisi ron ang mga tinderag prutas kay ila rong panahon.
Pero namuti na man lang ni akong buhok, maorag wa may epek ang 13 fruits. Pero matod pa lagi sa mga katiguwangan, way mawa uy kon motuo ta. Bitaw, tuo na lang aron madali. Sige go!
ANGELINE QUINTO
Akong bisita sa miaging semana ang mga taga-MJM Productions sa Manila nga maoy nagpaluyo sa Sinulog concert ni Angeline Quinto karong Enero 14 sa Waterfront Cebu City Hotel.
In fairness, power kaayog line-up si Angeline sa iyang concert, naa si Piolo Pascual, Jovit Baldivino, Khalil Ramos ug Richard Poon.
Maayo untag mapiksan tag compli aron makakita tang inday Angeline mobirit. Mahala ra ba sa ticket, P400, P500, P800, P1,200 ug P2,000. Hinuon, first time pa ni Angeline sa Cebu. Di ikahibong kon kuninitan. Puwede!
GALING-GALING NI JESS
Asa ka kakitag housemate nga gwapa na, super talented pa. Nahurot gyud akong bilib pag kanta ni Jess Alviola Connelly sa If I Ain’t Got You (Alicia Key) atol sa ilang kontra-battle sa Pinoy Big Brother Unlimited niadtong bisperas sa Pasko.
Nagbunga na gyud ang mga pag-antos ni Jess ug sa iyang Mommy Gigi. And last Sunday, usa si Jess sa napiling top performers sa mga hurado (Rowell Santiago, Joy Cancio ug Nina). Ug isip reward, gitugotan ni Big Brother si Jess nga mag-noche buwena with her mom.
Nakahilak intawon si Mommy Gi kay matod pa lagi niya, “I miss Jess so much especially when she sung one of my favorite songs, I can’t help but cry. She is near but I can’t hug her. But when the judges gave Kuya the result, Jess was so happy. Great X’mas present.”
PANG -MMK
Grabe sad ang training ni Jess sa wa pa siya mag-PBB. Gipa-enroll siya sa iyang mommy sa school of singing, nag-acting, nag-tagalog lessons. Nag-front act ni Piolo Pascual.
Dayon nahimo siyang talent sa Viva. And last year, nadisgrasya si Jess that she was forced to stay out of showbiz for four months. Kon kahibawo lang mo, full of drama sad ang lifestory si Jess pang-Maalaala Mo Kaya.
Si Jess unang nadiscover dihang nahimo siyang singing champion. According to Mommy Gi daan na gyung mosayaw si Jess kay belly dance instructor man ang iyang maguwang babaye sa Australia. Well, let’s hope for the best not just for Jess, but to you, to us and everyone out there nga padayong nisuporta sa atong Tagming ug Superbalita Laysho. Salamat salamat salamat. Happy New Year! God Bless!