TAGUM CITY - Nagkahiusa ang sakop sa media sa pagpangliha sa mga lingkuranan nga gitrabaho sa Motorpool Government Center sa barangay Tipaz niadtong Sabado.
Mitabang sa mga trabahante sa motorpool ang 20 ka mga sakop sa media ilawom sa Davao Region Multi-Media Group nga gikan sa radyo, telebisyon ug mantalaan.
Alas 8:00 sa buntag gisugdan sa mga sakop sa media ang pagliha sa mga lingkuranan hangtud alas 3:00 sa hapon.
Mga bangko maoy gipanghatag ni Tagum City Mayor Rey Uy ngadto sa mga publikong tulunghaan sa lalawigan.
Mga sakop sa media, bisan daghan sila og giatiman nga trabaho, apan naggahin gihapon sila og oras nga makatabang sa pagliha sa mga lingkuranan.
Si DReMMG coordinator Dennis Denora mipaabot sa iyang pasalamat sa panaghiusa sa mga sakop media pinaagi sa pagtabang sa mayor sa syudad aron mapadalig ang pagtrabaho sa mga bangko.
Base sa rekord sa motorpool, kapin 7 mil na ka buok armchairs ang nahatag sa mayor dili lang sa Davao del Norte, apan apil na ang kasikbit nga mga probinsya sa Davao Region. (Teddy Cabana)