HASKANG grabeha sa tawo pag-Sinulog, maorag angay na gyud tingaling ibalhin ning Sinulog sa SRP.
Daghan na kaayog kalihukan ang Sinulog, commercialize na kaayo, naglabi na ang kalingawan.
Mao man gud ning panahona nga moburot ang kita sa atong mga imnanan, kan-anan, tindahan, mga paabangang puy-anan, mga balay kahilayan ug uban pa.
Ambot unsay kaugmaon nga nagpaabot sa atong Sinulog nga samtang nagkadugay, maorag nagkalayo sa tiunay niyang kahulogan.
AGE GAP
Ubay-ubay sad nga mga artista ang atong nahimamat. Parehong giuwan pero pareho sad nga gibahaan sa mga Kapuso fans ang duha ka gabiing mall show sa GMA sa Ayala Terraces ug dayon sa SM City-Cebu’s V-Hire.
Atol sa akong chika ni Isabel Oli, giangkon sa Cebuana nga buwag na sila ni Gab Valenciano human sa pito ka buwan nilang relasyon pero di siya ganahan nga estoryahan ni kay lab-as pa kuno kaayo.
Matod ni Isabel nga 30 anyos na siya samtang si Gab 23 lang. Pero no comment siya kon
age gap ba ang rason sa ilang break-up.
OUT IN THE OPEN
Si Rachelle Ann Go kay wa kahibawo nga nasukamod si Angeline Quinto sa ASAP Rocks. Wa kuno siya kakita sa YouTube.
Matod sa singer nga loveless siya karon ug iya na lang giisip nga learning experience ang mga kapakyasan niya sa lovelife.
Karong out in the open na ang relasyon sa iyang ex nga John Pratts ug Bianca Manalo, tubag niya “God bless” na lang.
DENIM SHORTS
Samtang nag-chika mi ni Rachelle Ann Go, nilingkod sa among tapad si Lovi Poe nga mubo kaayog sinina. Kaswal nga gipangutana ni Rachelle si Lovi kon unsay iyang gisul-ob sa lawom.
Kaswal ra sad kaayong giisa ni Lovi ang iyang sinina ug gipakita ang iyang mubo kaayong denim shorts nga dunay gisi-gisi sa atubangan. (Sustansya sa mata! hehe).
Among gi-estoryahan ni Lovi kadtong una nako siyang nainterbyu dihang giimbitar siya ug ang iyang Mommy sa Cebu ni Ms. Rose Gaisano. “Ang tagal na noon, 2006 yata,” balik-lantaw pa niya.
NOT FEELING WELL
Sa ikaduhang gabii sa Kapuso Mall Show sa SM, si Claudine Barretto ang “not feeling well” (hunghong pa ni Ms. Jhops sa GMA) maong wa ni kaapil sa interbyu.
Pero nainterbyu namo ang Survivor castaways nga silang Stef Prescot, Chuckie Dreyfus, John Odullo, Mara Yokohama, Betong Sumaya ug Maey Bautista.
Pero wa nako kainterbyu nilang Solenn Heussaf, Ehra ug Michelle Madrigal, Bubbles Paraiso ug TJ Trinidad kay naa pa sad koy laing commitment sa show nilang Jewel Mische ug Aldred Gatchalian nianang pagkabii atol sa A Million Thanks draw sa Gaisano Main ug Country Mall.
Last stop nako ang Sinulog Concert ni Angeline Quinto sa Waterfront Hotel nga matod pa niana nang gabhiona nikusog ang palit sa ticket. Mag-chika ta sa sunod ani.
Yes, karong Huwebes, naa sad si Maja Salvador ug Mateo Gudicelli sa Cebu aron i-promote ang ilang pelikulang “My Cactus Heart” sa Star Cinema nga showing na karong Enero 25.