WALA nay kinabuhi ang usa ka lalaki samtang nagbitay sulod sa iyang lawak mga alas 12:00 sa udto niadtong adlaw’ng Miyerkules sa Zone 5, Nipa Lane, Hata hata, Barangay Bonbon, ning siyudad sa Cagayan de Oro.
Ang biktima naila nga mao si Jonas Parame, 28, kinsa napalgan sa iyang amahan nga nagluhod na atubang sa dingding hiniktan sa electrical wire ang lio niini.
Ang mga personahe sa barangay hall sa Barangay Bonbon ang nitawag sa Police Station 4 sa Carmen ug nitaho sa maong hitabo.
Dali nga nirespondi sila SPO4 Edgardo F. Lumen, SPO2 Fernando P. Laspona, SPO1 Wheeler B. Libnao ug si PO2 Norbert Ian Zafra uban sa mga sakop sa Philippine National Police crime lab nga gipangulohan ni Police Inspector Neil Sedaca Villanueva.
Gisaysay sa amahan nga mao si Teodoro Garote, 62, residente sa Justo Ramonal ning syudad nga nagbilin ug suicidal note nga nag-ingon “PA! Dili na kaya! ”
Matud pa sa amahan nga ang biktima mihisgot nga aduna kini kaagi sa mental disorder kinsa gi-atiman sa usa ka doctor sa Northern Medical Memorial Center kinsa mihatag ug resita para sa iyang maintenance.
Gi-tambagan usab sa Scene of the Crime Operatives personnel nga ipa-autopsy ang patayng lawas sa iyang anak apan mibalibad kini tungod sa pagrespeto sa tradisyon sa Islam diin sila nahisakop.
Nakahukom ang amahan sa gilayong paglubong sa iyang anak ug gidawat ang kamatuoran nga tinuod nga kini naghikog. (Roselyn Paglinawan, Liceo de Cagayan University intern)