SECTIONS
Saturday, April 20, 2019
BACOLOD

181 runners mangapil sa First All-Women Ultra Marathon

MIABOT sa 181 ka lady runners ang nagparehistro sa 1st All-Women Ultra Marathon 50k nga gikatakda karong Sabado ug mosubay sa mga dalan sa tulo ka dagkong mga siyudad sa Sugbo.

Sa press conference kagahapon sa Laguna Garden Café sa Ayala, nagkanayon ang usa sa mga nag-organisar sa makasaysayong kalihukan nga si Joel Garganera nga ang gidaghanon
sa mga nangapil hapit madoble sa gidag­hanon sa ilang gilauman.

“At first we only envisioned 100 runners pero daghan gyud ang gustong mangapil. We have to stop at 181 kay dili pa mi ready more than that,” matod ni Garganera.

Si Michelle So, usa sa mga nag-organisar ug editor-in-chief ning mantalaan, nagkanayon
nga sa gidaghanon sa mga partisipante, mga 90 porsiyento ang mabunyagan sa ultra
marathon.

“Mostly sa atong participants are beginners in ultra marathon. Seguro mga 90 percent,” batbat ni So.

Si Garganera mihagit sa tanang mga partisipante nga makaabot sa finish line sa dili pa mosubang ang adlaw.

Ang lumba, nga gisuportahan sa tanang running clubs sa Sugbo, mosugod sa Ayala Terraces alas 10:00 sa gabii ug mosubay kini sa bukirang barangay sa Busay unya balik sa kinauyokan sa siyudad sa Sugbo.

Dayon mosubay kini sa Mandaue City paingon sa Lapu-Lapu City ug mahuman sa Karancho Beach Resort. Moabot ngadto sa 50.5 kilometros ang gitas-on sa rota.

“My challenge to all participants is to beat the sunrise,” batbat ni Garganera. Ang lumba gidungan sa World Women’s Month nga giselebrar karong buwana.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!