BACOLOD

'Bukas kotse' gang miatake nasad

MI-ATAKE na usab denhi sa siyudad sa Cagayan de Oro ang bukas-kotse gang dihang duha gyud ka mga sakyanan ang nabiktima ug nangawad-an og gamit dihang giparada sa San Antonio de Padua Church nga nahimutang sa 12th Nazareth ning siyudad sa Cagayan de Oro. 

Unang sakyanan mao ang Honda Civic, nagdala og plaka ZML-445, gipanag-iyahan ni Cheryl C. Roa, 29, minyo, taga Jasmin St., Carmen ning siyudad.

Nagpatabang sa Police Station 9 (PS9) sa Macasandig si Roa dihang nadiskubre niini mga alas 7:30 sa gabii adlawng Domingo nga nabuak na ang samin sa iyang sakyanan ug nawala na ang sulod nga gamit. 

Apil sa mga nakuha mao ang P5,000 uban sa mga passbook, checkbook, ug mga personal nga gamit. 

Ikaduhang nagreport sa PS9 mao si Josephine C. Olivido, 33, minyo, taga Upper Carmen ning siyudad kinsa nakadiskubre gihapon nga ang iyang Starex Hyundai nagdala og plaka KGJ-560 nga giparada gihapon gawas sa simbahan ang gipugos og abri ug nakuha sa sulod ang iyang digicam mobalor og P14,000. Lakip nga nakuha ang P3,000, mga ATM cards ug uban pang mga gamit. 

Si Senior Police Officer 1 Marvin Bolanio sa PS9 nga nainterbyu sa Sun.Star Superbalita niingon nga gigamit sa mga suspek ang diamond cutter aron walay tingog ug dili gyod matandog ang sakyanan. 

Nasayran gikan ni Bolanio nga gikan kining organized group sa siyudad sa Butuan ug nangbiktima sa mokabat lima ka mga luxury cars.

Daan na nga nadawat sa Cagayan de Oro City Police Office (Cocpo) ang pasidaan gikan sa dakbayan sa Butuan nga dakong posibilidad nga moatake ang bukas kotse denhi sa siyudad kondili adlawng Domingo, adlawng Lunes hinungdan nakaalerto na ang kapolisan. 

Posibleng tungod kay guarded ang mga dagkong establismento, didto kini miatake sa simbahan nga wala sukad nahitabo ang bukas kotse. 

Ang bukas kotse gang giingong mo-strike lamang kaduha o kaisa sa usa ka tuig diin himoun lamang kini sulod sa usa ka adlaw ug mopadayon na usab sa sunod nga kasikbit nga siyudad. 

Giingong moabang og mga sakyanan ang mga grupo ug maoy ilang sakyan. Modus niini mao nga taparan lamang ang daan na nga gisusi nga mga sakyanan usa biktimahon. 

Sagad sa ilang mga sakyan mao ang Starex ug ning uwahi nasuta nga Honda CRV ang gisakyan sa gibana-banang pito ka mga suspek. 

Ang sul-obon sa mga suspek nagdepende sa lugar nga ilang biktimahon ug tungod kay simbahan man ang ilang gibiktima, pormal usab nga mga senina ang ilang gisul-ob aron maghitsurang manimbahay. 

Giingong maglisod na usab sa pagsulod sa mga malls kining bukas-kotse gang human niadtong nilabayng tuig sunod-sunod nga bukas kotse ang nahitabo denhi sa siyudad ug ang mga sekyu gimandoan sa mga establismento nga mag-roving sa tanan parking area matag oras ug sutaon usab pag-ayo ang mga sakyanan nga mosulod. 

Gidudahan nga ana pa sa siyudad ang maong grupo ug gipanawagan sa kapolisan labina gyod ang mga hospital, simbahan ug uban pa nga hugot nga seguridad ang ipatuman sa parking area aron walay mabiktima. 

Gisunod na sa kapolisan sa PS9 uban sa Anti theft and Robbery Section aron malocate ang mga suspek nga gituohang anaa pa sa siyudad ning panahona.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph