MOBANDERA ang eksplosibong abilidad nila ni rookie Paul Lee ug Gary David sa PBA All-Star Game nga gikatakda sa sunod buwan sa Laoag City.
Ang duha nahilakip sa pito ka mga magduduwa nga gipili sa walo ka coaches aron maoy mokompleto sa tagsatagsa ka line-up sa Rookies/Sophomores/Juniors ug Veterans.
Si Lee, kinsa no.2 rookie pick sa Rain or Shine Elasto Painters, nahilakip sa RSJ squad kauban sila si Mark Barroca, Chris Ross, Japeth Aguilar, Rabeh Al-Hussaini, Mark Baracael ug Rico Maierhofer.
Samtang si David, kinsa nagbangis sa miaging Philippine Cup, naa sa Veterans team ni coach Chot Reyes kauban nilang Alex Cabagnot, L.A. Tenorio, Jimmy Alapag, Gabe Norwood,Sonny Thoss ug Kelly Wiliams.
Ang mga gipangpili sa fans aron molangkob sa RSJ mao sila si JV Casio, Marcio Lassiter, Chris Lutz, Dylan Ababou ug Josh Urbiztondo unya sila si two-time MVP James Yap, Mark Caguioa, Arwind Santos, Mark Pingris, ug JC Intal sa Veterans.
Modugang og kolor sa kalihukan, nga gikatakda karong Mayo 10-13, mao ang “Greats versus Stalwarts.”
Ang Greats langkuban nila ni four-time MVP Alvin Patrimonio, Ato Agustin, Jojo Lastimosa, Olsen Racela, Hector Calma, MVP Danny Ildefonso, Rudy Hatfield, Danny Seigle, Joseph Yeo, Mike Cortez, Sol Mercado, ug 2-time MVP Willie Miller.
Samtang ang Stalwarts langkuban nila ni Kenneth Duremdes, Allan Caidic, Pido Jarencio , Ronnie Magsanoc, Bong Ravena, Asi Taulava, Ranidel de Ocampo, Sean Anthony, Peter June Simon, Jayjay Helterbrand, Mark Cardona ug Cyrus Baguio. (Sheila Marie Y. Solon, CNU – Communication Intern)