Daghang misupak sa RA 10666

PIPILA ka mga motorista ang nisupak sa bag-ong balaud nga nagdili sa gagmay nga mga bata nga mosakay og mga motorsiklo.

Niadtong Hulyo 21, si Pres. Benigno Aquino III nipirma sa Republic Act 10666 o Children’s Safety on Motorcycles Act of 2015 nga nagdili sa mga bata pagsakay og motorsiklo pagseguro sa ilang kaluwasan.

Si Aquiles Gesim, technician sa dySS RGMA Super Radyo Cebu, supak sa bag-ong balaud tungod kay ang motorsiklo maoy iyang gigamit matag adlaw sa pagkuha ug paghatod sa iyang anak nga nag-eskwela sa Lahug Elementary School gikan sa ilang balay luyo sa GMA Complex sa Barangay Apas, agi sa bukirang bahin sa Barangay Busay.

“Unfair kaayo na namo. Unsa­on naman lang paghatod namo sa among mga anak kadtong layo ang gipuy-an labi na sa uban nga sudlunon kaayo unya bukid unya way mosud nga jeep.

Samot nga di makaabot sa klase ang mga anak,” padayag ni Gesim sa Sun.Star Superbalita.

Matod niya mas maayo di una ipatuman ang bag-ong balaud ug konsultahon una daan ang mga nanag-iya og motorsiklo bahin niini.

Ang iyang sentimento susama usab kang Feliciano “Jang” Quimada, miyembro sa Motorcycle Rights Organization Cebu, tungod kay ang motorsiklo ang paagi sa transportasyon sa ilang pamilya ug kanu­nay sila naggamit niini ilabi na kon moduaw siya sa iyang inahan.

“Ngano ibawal man nila ang mga bata pasakyon og motor? Nga­no, way madisgrasya nga bata sa mga sakyanan, di ba naa man gihapon? Ang disgrasya di jud na malikayan bisan og nag-amping pa ka. Nag-amping kag maayo pero ubang drivers, wa,” pahayag ni Quimada.

Alang niya mas maayo hingusgan sa Land Transportation Office ang pagpasul-ob sa mga helmet sa mga nagmaneho og motorsiklo.

Apan si John Bernie Geverola, kawani sa usa ka express padala ug pawnshop, uyon ug mipaluyo sa RA 10666 gumikan kay alang niya risgo sa mga bata ang pagsakay sa motorsiklo ug kon madisgrasya peligro nga kini malabay o malagpot.

“Sa mga sakyanan man gani ginadili ang pagsakay sa bata sa front seat. Di nalang (pasakyon og motor) kay kita ra nagdala sa atong mga anak sa risgo ug disgrasya,” dugang niya.

Ang RA 10666 nagdili sa pagmaneho og motorsiklo nga duha ray ligid nga angkasan sa bata sa mga karsada nga daghang mga sakyanan ang mangagi ug taas ang speed limit, sobra sa 60 kilometros matag oras.

Ubos sa balaud, gitugtan ang pagpasakay sa bata kon ang iyang mga tiil makatugkad sa naandang tungtunganan sa mga tiil ug maka­gakos sa nagmaneho sa motorsiklo.

Ang mga makalapas multahan og P3,000 sa unang paglapas; P5,000 sa ikaduha ug P10,000 sa ikatulo.

Sa ikaupat nga paglapas, automatic nga ma-revoke ang lisensya sa pagmaneho.

Si LTO 7 Director Arnel Tancinco unang niingon nga sayon ang pagpatuman sa bag-ong balaud gumikan kay wa kini maghisgot og provision sa edad sa bata nga dili pasakyon og motorsiklo.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph